" *လူ့အခွင့်အရေးဆိုတာ မွေးလာကတည်းက လူတိုင်းရပြိးသားဖြစ်သည်။ အလုပ်သမားအခွင့်အရေးဆိုတာလဲ လူ့အခွင့်အရေးဖြစ်သည်။ မိမိအခွင့်အရေးအတွက် မိမိကိုယ်တိုင်ပါဝင်တိုက်ယူမှရမယ်။ မညီမျှမှုနဲ့မတရားမှုဆိုတာအဆိုးရွားဆုံးအကြမ်းဖက်မှုပဲ။ အမှန်တရားနဲ့ဂုဏ်သိက္ခာအတွက်တိုက်ပွဲဝင်မှုဟာမြင့်မြတ်တယ်။ လွတ်လပ်ခွင့်သို့မဟုတ်သေခြင်းတရားသာငါ့ကိုပေးပါ။*"

Tuesday, October 27, 2009

အလုပ်သမားများဖတ်ရှုရန်စာအုပ်ဖြန့် ချီမှုဖြင့် မြန်မာ အလုပ်သမား တစ်ဦး အလုပ်ဖြုတ်ခံရအလုပ်သမားများဖတ်ရှုရန်စာအုပ်ဖြန့် ချီမှုဖြင့် မြန်မာ အလုပ်သမား တစ်ဦး အ

အောက်တိုဘာ ၂၇

ထိုင်းနိုင်ငံဘန်ကောက်မြို့ ဘန်ဘော်နယ်မြေ ဒီကေရပ်ကွက်မှ မြန်မာစက်ချုပ် အလုပ်သမား ကိုဗညားဆိုသူအား လုပ်ငန်းရှင်က အလုပ်သမားအခွင့်အရေးဆိုင်ရာစာအုပ်ဖြန် ချီမှုကြောင့် အလုပ်ထုတ်လိုက်ဟု သိရသည်။

အသက်နှစ်ဆယ်ကျော် အရွယ် ရန်ကုန်မြို့ မှ အထည်ချုပ် အလုပ်သမား ကိုဗညားက “ဘန်ဘော်ငါးသေတ္တာရုံ နားမှာ ဖွင့်ထားတဲ့ အင်ဂျီအိုဆေးခန်းမှာဖြန့် ဝေတဲ့ စာအုပ်တွေ စာစောင်တွေ၊ကွန်ဒုံးတွေကို ကျနော် မြန်မာ အလုပ်သမား တွေကို ဝေပေးပါတယ်။ ကျနော် အလုပ်လုပ်တဲ့ အထည်ချုပ်စက်ရုံမှာ ဝေတော့ သူဌေးမက ကျနော့်ကို အလုပ်ထုတ်လိုက် ပါတယ်။ အဲဒီစာအုပ်တွေက ထိုင်းဘာသာ၊ မြန်မာဘာသာတွေနဲ့  ရေးထားပါတယ်။ အလုပ်သမား အခွင့်အရေးတွေ၊ ရပိုင်ခွင့်တွေ၊ အလုပ်ရှင် လိုက်နာရမယ့် စည်းကမ်းတွေ ပါတယ်။ ရှင်းရှင်းပြောရရင် မြန်မာ အလုပ်သမားတွေ ပြင်ပကမ္ဘာနဲ့ အဆက်အသွယ် ရတာတို့ အသိပညာ ဗဟုသုတတွေ တိုးပြီး အလုပ်သမားအခွင့် အရေးတွေကို တောင်းဆို လာမှာကို ထိုင်းလုပ်ငန်းရှင်တွေက မလိုလားဘူးလေ၊ ကျနော် ဒီလိုပဲ ယူဆပါတယ်” ကိုဗညားသည် ထိုကဲ့သို့ စာစောင်များ လိုက်လံ ဝေငှနေသော အလုပ်ကို မိမိဝါသနာအလျှောက် လုပ်နေသည်မှာသုံးလခန့် ရှိပြီးဖြစ်သည်။ ယခုသူသည် အလုပ်အကိုင် အသစ် ရရှိရေး အတွက် ရှာဖွေနေဆဲဖြစ်သည်။
ထိုင်းနိုင်ငံအတွင်း အလုပ်သမားအရေး၊ လူ့အခွင့်အရေး၊ ကျမ္မာရေး၊ ပညာရေး၊ ကလေးသူငယ်၊ အမျိုးသား၊ အမျိုးသမီး အစရှိသဖြင့် ခေါင်းစဉ် အမျိုးမျိုးအောက်တွင် အစိုးရ မဟုတ်သော အင်ဂျီအိုအဖွဲ့ အစည်းပေါင်း မြောက်များစွာ ရှိသည်။ ထိုအဖွဲ့ အစည်း အသီးသီးတို့က ထိုင်းနိုင်ငံအတွင်း လာရောက် အလုပ်လုပ်ကိုင် နေကြသော ရွေ့ပြောင်း အလုပ်သမားများအတွက် စာအုပ် စာစောင်များ အခမဲ့ ဝေပေးလေ့ရှိသည်။ ထိုင်းနိုင်ငံတွင် လာရောက် အလုပ်လုပ်ကိုင်နေကြသော နိုင်ငံခြား အလုပ်သမားများ သန်းချီရှိနေသော ထိုင်နိုင်ငံတွင် အလုပ်သမား အခွင့်အရေး ချိုးဖေါက်ခံခြင်း၊ သတ်ဖြတ်ခံရခြင်း၊ လူကုန်ကူးခံရခြင်းများ နေ့စဉ် ဖြစ်ပေါ် နေလျှက်ရှိသည်။ အလုပ်သမားအဖွဲ့ နှင့် အင်ဂျီအိုများ ရှိသော်လည်း မဖြေရှင်းနိုင်လောက်အောင် အဖြစ်အပျက်များက စုံနေသည်။ အဆိုပါ စာအုပ် စာစောင်နှင့် လက်ကမ်းစာစောင်များ ဖြန့်ချိနိုင်မှုများကြောင့် မြန်မာ အလုပ်သမားအချို့ ဆက်သွယ်ကူညီမှုများ ရရှိသည်လည်း ရှိသည်။ သို့ ရာတွင် သန်းချီရှိသော မြန်မာ ရွေ့ပြောင်း အလုပ်သမားများ ဖြစ်အင်မှာ နေ့စဉ် အခြေအနေဆိုးများဖြင့် ကြုံနေရဆဲ ရှိသည်။

0 comments:

ရောင်ခြည်ဦးအလုပ်သမားများ အဖွဲ့
ရောင်ခြည်ဦး- အလုပ်သမားများအဖွဲ့ | Edit (Ycowa) Temples By