" *လူ့အခွင့်အရေးဆိုတာ မွေးလာကတည်းက လူတိုင်းရပြိးသားဖြစ်သည်။ အလုပ်သမားအခွင့်အရေးဆိုတာလဲ လူ့အခွင့်အရေးဖြစ်သည်။ မိမိအခွင့်အရေးအတွက် မိမိကိုယ်တိုင်ပါဝင်တိုက်ယူမှရမယ်။ မညီမျှမှုနဲ့မတရားမှုဆိုတာအဆိုးရွားဆုံးအကြမ်းဖက်မှုပဲ။ အမှန်တရားနဲ့ဂုဏ်သိက္ခာအတွက်တိုက်ပွဲဝင်မှုဟာမြင့်မြတ်တယ်။ လွတ်လပ်ခွင့်သို့မဟုတ်သေခြင်းတရားသာငါ့ကိုပေးပါ။*"

Saturday, May 2, 2009

မဲဆောက်မြို့ မေဒေးနေအခန်းနားအလုပ်သမား ၆၀၀ကျော်တက်ရောက်

Girl vs Handgun
မဲဆောက်မြို့ မေဒေးနေ့အခန်းနား အလုပ်သမား ၆၀၀ ကျော်တက်ရောက်

(၁၁၉) ကြိမ်မြောက် နိုင်ငံတကာ အလုပ်သမားများနေ့ကို ထိုင်းနိုင်ငံ၊ မဲဆောက်မြို့ ရောင်ခြည်ဦးအလုပ်သမား ရုံးတွင် စည်ကားစွာကျင်းပခဲ့သည်။ ရောက်ခြည်ဦး အလုပ်သမားများအဖွဲ့မှ အထွေထွေအတွင်းရေးမှုး ဦးမိုးဆွေမှ မေဒေးနေ့အမှာ စကားပြော ကြားရာတွင် မေဒေးနေ့ ကျင်းပရခြင်းရည်ရွယ်ချက်နှင့် ၊ မတရားမှုနှင့် မမျှတ မှုများကြောင့် ကမ္ဘာ့အနှံအပြားတွင် အလုပ်သမားတိုက်ပွဲများ ဆက်လက် ရှိနေဆဲ ဖြစ်ပြီး မိမိတို့ အခွင့်အရေးအတွက် မိမိတို့ကိုယ်တိုင် ရုန်းထတိုက်ပွဲ ၀င်ကြ ရန်ပြောကြားသွားသည်။
အလုပ်သမားနေ့အခန်းနားတွင် မိုးကြိုးသတင်းစာ အယ်ဒီတာချုပ်မှ မေဒေးနေ့ ဖြစ်ပေါ်လာပုံ သမိုင်းနှင့် အလုပ်သမားများ ယခုလို တစုဝေးတည်း တွေ့ဆုံရတာ အလုပ်သမားထုရဲ့ အင်သစ်အားသစ်တွေ အဖြစ်ခံစားရကြောင်းနှင့် အလုပ်သမားများ စည်လုံးညီညွတ်ရန်အတွက် ပြောကြားသွားပါသည်။ လူ့ဘောင်သစ်ဒုတိယ အတွင်းရေးမှုး ဦးငွေလင်းမှလည်း လူ့အဖွဲ့အစည်းတွင် အလုပ်သမားတို့၏ အခန်းဂဏ္ဍ မည်မျှ အရေးကြီးကြောင်းကို မြန်မာနိုင်ငံ အလုပ်သမား လှုပ်ရှားမှုနှင့် နိုင်ငံတကာ အလုပ်သမားလှုပ်ရှားမှု သမိုင်းကြောင်းများဖြင့် စပ်ဆက်ပြောကြား သွားခဲ့သည်။
ပန်းရုံ(စက်ချုပ်ရုံ)မှ အလုပ်သမားတစ်ဦးမှလည်း လက်ရှိလုပ်ငန်းခွင် စက်ရုံအတွင်း ရင်ဆိုင်ကြုံတွေ့နေရသော အခြေနေများကို ပြောကြားခဲ့ပြီး ဟိုင်းရတ်(သိုးမွေး)စက်ရုံမှ အလုပ်သမား တဦးကလည်း လက်ရှိ အလုပ်သမားအခွင့်အရေး တိုက်ပွဲဝင်နေမှု အခြေအနေကို ပြောကြားသွားခဲ့သည်။ ထိုင်းစန်းသိုးမွှေး စက်ရုံမှအလုပ်သမားတစ်ဦးကလည်း ၄င်းတို့အခွင့်အရေးအတွင် ၂ နှစ်ကျော်တိုက်ပွဲဝင်ခဲ့ရာတွင် တွေ့ကြုံခဲ့ရသော အခက်ခဲ ပြဿာနာများနှင့် နောက်ဆုံးတွင် မည်သို့အောင်ပွဲ ရရှိခဲ့ပုံ တို့ကို ပြောကြားသွားခဲ့ကြသည်။
မေဒေးနေ့အခန်းအနားကို အလုပ်သမား ၆၀၀ ကျော်တက်ရောက်ခဲ့ပြီး လက်ရှိမြန်မာနိုင်ငံနှင့် ပြည်ပရောက် မြန်မာအလုပ်သမားများ၏ အခြေအနေများကို သံချပ်ထိုး သရုပ်ဖော်မှုများ၊ ပဟေဌိအစီစဉ်များ၊ အလုပ်သမားများအား ကံစမ်းမဲဖောက်ပေးခြင်း ပျော်ပွဲရွင်ပွဲများ၊ အကျွေးအမွေးများဖြင့် ဧည့်ခံ ခဲ့ကြသည်။
ယခုနှစ် ၁၁၉ ကြိမ်မြောက်မေဒေးနေ့ အခန်းနားကို ရောင်ခြည်ဦးအလုပ်သမားများအဖွဲ့ (YCOWA) အနှင့် အတူ လူ့ဘောင်သစ်ဒီမိုကရက်တစ်ပါတီ (DPNS) ၊ မြန်မာ့အမျိုးသမီးသမဂ္ဂ BWU ၊ အဝေးရောက်ဧရာဝတီအသင်း(OIA)၊ MAP Foundation၊ ရခိုင်အလုပ်သမားသမဂ္ဂ (AWU)၊ ရခိုင်အလုပ်သမား လှုပ်ရှားမှုအဖွဲ့ (ALC) ၊ ပန်းဂံကော် (PKGWA) စသော အဖွဲ့ ၈ ဖွဲ့ ဖြင့် ပူးပေါင်း ကျင်းပခဲ့ခြင်း ဖြစ်သည်။

Read More...

ရောင်ခြည်ဦးအလုပ်သမားများ အဖွဲ့
ရောင်ခြည်ဦး- အလုပ်သမားများအဖွဲ့ | Edit (Ycowa) Temples By