" *လူ့အခွင့်အရေးဆိုတာ မွေးလာကတည်းက လူတိုင်းရပြိးသားဖြစ်သည်။ အလုပ်သမားအခွင့်အရေးဆိုတာလဲ လူ့အခွင့်အရေးဖြစ်သည်။ မိမိအခွင့်အရေးအတွက် မိမိကိုယ်တိုင်ပါဝင်တိုက်ယူမှရမယ်။ မညီမျှမှုနဲ့မတရားမှုဆိုတာအဆိုးရွားဆုံးအကြမ်းဖက်မှုပဲ။ အမှန်တရားနဲ့ဂုဏ်သိက္ခာအတွက်တိုက်ပွဲဝင်မှုဟာမြင့်မြတ်တယ်။ လွတ်လပ်ခွင့်သို့မဟုတ်သေခြင်းတရားသာငါ့ကိုပေးပါ။*"

Friday, January 8, 2010

(

လှိုင်သာယာ စက်မှုဇုန်တွင် အလုပ်သမားများ ဆန္ဒပြ


ရန်ကုန်မြို့လှိုင်သာယာ စက်မှုဇုန် ၂ ရှိ ပုစွန် အအေးခန်း စက်ရုံတရုံမှ အလုပ်သမား ၁၀၀ ခန့်သည် ယမန်နေ့က ၎င်းတို့ ရပိုင်ခွင့် များကို ဆန္ဒပြတောင်းဆိုခဲ့ကြောင်း သိရသည်။

အဆိုပါ စက်ရုံတွင် ယမန်နေ့ နံနက် ၈ နာရီခန့်က အမျိုးသမီး ၁၀၀ခန့် ဦးဆောင်၍ အချက် ၁၀ ချက် ပါသော အလုပ်သမား အခွင့်အရေးများကို ဆန္ဒပြတောင်းဆိုခဲ့ကြသည်ဟု စက်ရုံ အလုပ်သမားများ နှင့် နီးစပ်သူ တဦးက ဧရာဝတီသို့ ပြောသည်။

ယင်း စက်ရုံတွင် အလုပ်သမား စုစုပေါင်း ၂၃၀ ခန့်ရှိပြီး အမျိုးသမီးအများစု ဖြစ်ကြောင်း သိရသည်။

ထိုသို့ အလုပ်သမား တောင်းဆို ဆန္ဒပြမှုနှင့် ပတ်သက်ပြီး ဧရာဝတီ သတင်းဌာနမှ တယ်လီဖုန်းဖြင့် ဆက်သွယ်မေးမြန်းခဲ့ရာ ယင်း စက်ရုံမှ ရုံးဝန်မှ တာဝန်ရှိသူတဦးက အသေးစိတ်ကို မဖြေကြားခဲ့သော်လည်း ဆန္ဒပြခြင်းသည် မှန်ကန်ကြောင်း အတည်ပြုပြောဆို သည်။

ရန်ကုန်မြို့ရှိ အမည်မဖော်လိုသည့် သတင်းထောက်တဦးက “အဓိက ကတော့ လစာကိစ္စလို့ ပြောနေကြတယ်”ဟု ဆိုသည်။

အမျိုးသမီးများက ဆန္ဒပြ တောင်းဆိုနေချိန်၌ အလုပ်သမားဝန်ကြီးဌာန ဒုတိယ ညွန်ကြားရေးမှူး ဦးဝင်းရှိန် ရောက်ရှိလာခဲ့ပြီး ၎င်း နှင့် အတူ ရဲ တပ်ဖွဲ့ဝင်များ ရောက်ရှိလာကာ လုံခြုံရေးတင်ကျပ်ထားခဲ့ ကြောင်းလည်း သိရသည်။

မြန်မာနိုင်ငံတွင် စက်ရုံ အလုပ်သမား တဦးလျှင် အခြေခံလစာငွေ ကျပ် ၂ သောင်းမှ အမြင့်ဆုံး ၄ သောင်းအထိသာရရှိရာ အလုပ် သမားများအနေနှင့် စားဝတ်နေရေး ခက်ခဲမှုရှိသောကြောင့် အိုဗာတိုင် ကြေးရရန် အချိန်ပို ဆင်းကြရကြောင်း အထက်ပါ အလုပ် သမားများနှင့် နီးစပ်သူက ဆိုသည်။

သို့သော်ထို အလုပ်သမားများသည် အလုပ်ရှင်များ၏ အလွယ်တကူအလုပ်ထုတ်ခံကြရမှုများ ရှိကြောင်း သိရသည်။ အလုပ် သမားများကို အလုပ်ထုတ်လိုက်သော်လည်း ထိုက်သင့်သည့် လျော်ကြေးငွေပေး ခြင်းမရှိကြောင်း အလုပ်ပြုတ်ခဲ့သူများက ပြောဆိုကြသည်။

မြန်မာနိုင်ငံ စက်ရုံ လုပ်ငန်းများတွင် ၀င်ရောက်လုပ်ကိုင်လျက်ရှိသော အလုပ်သမားများ၏ ၈၀ ရာခိုင်နှုန်း ကျော်သည် အခြေခံ လူတန်းစားများ ဖြစ်ကြပြီး အများစုမှာ နေ့စား အလုပ်သမားများသာ ဖြစ်ကြကြောင်း မှတ်တမ်းများအရ သိရသည်

ဧရာဝတီ websiteမှကူးယူဖော်ပြပါသည်။

Read More...

Wednesday, January 6, 2010

ဂျော်ဒန်မှာ မြန်မာအလုပ်သမား ၆၀၀ ခန့် လုပ်ငန်းခွင်တွင်း ဒုက္ခကြုံတွေ့

06 January 2010

ဂျော်ဒန်နိုင်ငံ Century Miracle Jordan (CMJ) အထည်စက်ရုံ ကုမ္ပဏီမှာ သွားရောက် အလုပ်လုပ်ကိုင်ကြတဲ့ မြန်မာအလုပ်သမားတွေနဲ့ ဘင်္ဂလားဒေ့ရှ် အလုပ်သမားတွေအကြား မနေ့က ပဋိပက္ခ ဖြစ်ခဲ့ကြပြီး ကုမ္ပဏီ တာဝန်ရှိသူတွေဘက်က မြန်မာအလုပ်သမားတွေကို ကုမ္ပဏီကို လျော်ကြေးပေးပြီး မြန်မာပြည်ပြန်ပို့ဖို့ ဆုံးဖြတ်ခဲ့တဲ့အတွက် မြန်မာအလုပ်သမားတွေ အနေနဲ့ အတော်လေး အခက်အခဲ ဖြစ်နေပါတယ်။

ဒီCMJ ကုမ္ပဏီမှာ အလုပ်လုပ်ဖို့ ကြားကနေ ဆောင်ရွက်ပေးခဲ့တဲ့ မြန်မာနိုင်ငံက နိုင်ငံခြား အလုပ်ရှာဖွေရေး အကျိုးဆောင်ကုမ္ပဏီ တာဝန်ရှိသူ တဦးကလည်း ဒီပြဿနာကို ပြေလည်အောင် ဖြေရှင်းဖို့အတွက် ဂျော်ဒန်နိုင်ငံကို သွားရောက်နေပြီလို့ ဆိုပါတယ်။ အခြေအနေ အသေးစိတ်ကို ဆက်သွယ် စုံစမ်းထားတဲ့ မနန္ဒာချမ်းက တင်ပြပေးထားပါတယ်။

CMJ အ၀တ်အထည် ကုမ္ပဏီမှာ အလုပ်လုပ်နေကြတဲ့ မြန်မာအလုပ်သမားတွေနဲ့ ဘင်္ဂလားဒေ့ရှ် အလုပ်သမားတွေအကြား မနေ့တုန်းက ပြဿနာ အကြီးအကျယ် ဖြစ်ခဲ့ကြတာပါ။ ဒီပြဿနာမှာ ဘင်္ဂလားဒေ့ရှ် အလုပ်သမားတွေဘက်က သံတုတ်တွေ အသုံးပြုခဲ့လို့ မြန်မာအလုပ်သမားတချို့ ထိခိုက်ဒဏ်ရာ ရခဲ့တယ်လို့ ဆိုပါတယ်။ ဒါကြောင့် မြန်မာအလုပ်သမားတွေ အနေနဲ့ ဒီကနေ့မှာ အလုပ်မဆင်းကြတော့ဘဲ ရန်ဖြစ်တဲ့အထဲမှာ ပါဝင်သူ ဘင်္ဂလားဒေ့ရှ် အလုပ်သမား ၄ ဦးကို အလုပ်ထုတ်ပေးဖို့ တောင်းဆိုခဲ့တယ်လို့ မြန်မာအလုပ်သမား ကြီးကြပ်ရေးမှူးတဦးက ဗွီအိုအေကို အခုလို ပြောပြပါတယ်။

“ဒီမနက် ကျမတို့ကို အလုပ်ဆင်းဖို့ ညပိုင်းက ခေါ်ပြောတယ်။ ကျမတို့ ကလေးတွေကို လိုက်ပြောတယ်၊ အလုပ်ဆင်းရမယ်။ ဒါပေမဲ့ မဆင်းဘူးဆိုတာ ကျမတို့က သိတယ်။ သူတို့ခိုင်းတဲ့ ပုံစံအတိုင်း လိုက်ပြောပေးတယ်။ တခန်းဝင် တခန်းထွက် ကလေးတွေ အလုပ်ဆင်းဖို့။ ဒါပေမဲ့ တယောက်မှ မဆင်းဖြစ်ပါဘူး။ ဒီမနက်လည်းကျရော စူပါတွေအကုန်လုံး အစည်းအဝေးခန်းကို လာခဲ့ပါ၊ အစည်းအဝေး လုပ်စရာ ရှိပါတယ်ဆိုပြီးတော့ ကျမတို့ စူပါတွေကို ဦးဆောင်ပြီးခေါ်တယ်။

“ကျမတို့ အစည်းအဝေးခန်းကို သွားပြီးတော့ တင်ပြတယ်။ ဒီဘင်္ဂလားတွေကို အရေးယူပေးပါလို့။ ကျမတို့ကလေးတွေ အလုပ်မဆင်းဘူးလို့ မပြောဘူး၊ ပြန်မယ်လို့လည်း မပြောဘူး၊ ပြဿနာရှာတဲ့ ၄ ယောက်ကို ပေးပြန်ရင် ကျမတို့ ဗမာပြည်သားတွေ အကုန် အလုပ်ဆင်းမယ်။ အဲတော့ လူကြီးက ပြောတယ်၊ ပေးမပြန်နိုင်ဘူးတဲ့၊ နင်တို့ဗမာက အရင်စရိုက်တာတဲ့။ ပြန်ချင်းပြန် နင်တို့က ပြန်ရမှာ။ ဘင်္ဂလားကို လုံးဝ ပေးမပြန်နိုင်ဘူးတဲ့။”

အဲဒီ CMJ အ၀တ်အထည် ကုမ္ပဏီမှာ မြန်မာအလုပ်သမားပေါင်း ၆၀၀ ကျော် ရှိပါတယ်။ သူတို့တွေဟာ ဒီကုမ္ပဏီမှာ အလုပ်လုပ်ဖို့အတွက် ၃ နှစ်စာချုပ် ချုပ်ထားရသူတွေပါ။ တကယ်လို့ ၃ နှစ်မပြည့်ခင် အလုပ်ထွက်ခဲ့ရင် ကုမ္ပဏီကို လျော်ကြေး ပေးဆောင်ကြရမှာ ဖြစ်ပါတယ်။ အခုအချိန်မှာ ကုမ္ပဏီ တာဝန်ရှိသူတွေဘက်က လျော်ကြေးပေးဆောင်ပြီး မြန်မာပြည်ပြန်ဖို့ ဆုံးဖြတ်ခဲ့တာကြောင့် အလုပ်သမားတွေ အနေနဲ့ အခက်အခဲ ဖြစ်နေကြရတာ ဖြစ်ပါတယ်။ ဒါ့အပြင် ဒီကနေ့မှာ အလုပ်သမားတွေ နေထိုင်ရာ အဆောင် ၂ ဆောင်ဘက်မှာ လျှပ်စစ်မီး၊ ရေနဲ့ ဂက်စ်တွေ ဖြတ်တောက်တဲ့အပြင် အစားအသောက်ပါ ဖြတ်တောက်ခဲ့တယ်လို့လည်း မြန်မာအလုပ်သမား ကြီးကြပ်ရေးမှူးက အခုလို ဆက်ပြောပြပါတယ်။

“ဒီနေ့ဆိုရင် ကျမတို့ အဆောင် ၂ ဆောင်ရှိတယ်။ ရေတွေ မီးတွေ အကုန်ဖြတ်တယ်။ ထမင်းလည်း လာမပို့ဘူး။ မနေ့ကဆို ကျမတို့ကို ထမင်းလာပေးတယ်။ အခု ၁၂ နာရီ ကျော်သွားပြီ။ ကလေးတွေလည်း ဗိုက်ဆာလှပြီ။ ထမင်းမပေးဘူး။ ထမင်းမပေးလည်း ကိစ္စမရှိဘူး၊ ကျမတို့မှာရှိတဲ့ ပိုက်ဆံနဲ့ ချက်စားမယ်။ ဒါပေမဲ့ ဂက်စ်မရှိဘူး။ ကျမတို့ ဘာနဲ့ ချက်စားမလဲ။ ဂက်စ်တွေပါ အကုန်ဖြတ်လိုက်တယ်။

“ဂက်စ်တွေက ရှိတယ်။ မနက်ဦးပိုင်းက ကလေးတွေ ဆင်းချက်တာ တွေ့လိုက်တယ်။ နောက် သိလည်း သိရော ချက်ချင်း ဖြတ်ပစ်တယ်။ ကျမတို့မှာ ပိုက်ဆံရှိပေမဲ့ စားစရာမရှိဘူး။ ပြန်ဖို့ဆိုတာလည်း ကျမတို့မှာ လေယာဉ်လက်မှတ် ရှိတဲ့သူရှိတယ်၊ မရှိတဲ့သူ မရှိဘူး။ အများအားဖြင့် မရှိတာများတယ်။ မိဘတွေ ပို့နေတဲ့ ကလေးတွေ ရှိကြတယ်။ ပြန်မယ်ဆိုရင် ကျမတို့စရိတ်နဲ့ ကျမတို့ ပြန်ဖို့ဆိုတာ မဖြစ်နိုင်ဘူး။ ကျမတို့မှာ ပိုက်ဆံမရှိဘူး။ လျော်ကြေးလည်း ကျမတို့က မပေးနိုင်ဘူး။ ဗမာပြည်သားတွေက တယောက်မှ မလုပ်တော့ဘူး၊ ပြန်တော့မှာ။ အဲဒါ ဗမာပြည်သားတွေရဲ့ ဆုံးဖြတ်ချက်။”

CMJ အ၀တ်အထည်စက်ရုံက မြန်မာအလုပ်သမား ကြီးကြပ်ရေးမှူး ပြောပြခဲ့တာ ဖြစ်ပါတယ်။

အခုလို မြန်မာတော်တော်များများ ဂျော်ဒန်နိုင်ငံက CMJ စက်ရုံမှာ သွားရောက် အလုပ်လုပ်ကိုင်ဖို့အတွက် စီစဉ်ပေးခဲ့တဲ့ အလုပ်အကိုင် ရှာဖွေပေးရေး အကျိုးဆောင်ကုမ္ပဏီ စည်းစိမ်သစ်က တာဝန်ရှိသူ ဦးအေးမြင့်ဟာ ဒီပြဿနာ ဖြေရှင်းဖို့အတွက် ဂျော်ဒန်နိုင်ငံကို သွားရောက်နေတယ်လို့ စည်းစိမ်သစ်ကုမ္ပဏီ ၀န်ထမ်းတဦးက ပြောပြပါသေးတယ်။ စည်းစိမ်သစ်အနေနဲ့ မြန်မာအလုပ်သမားတွေရဲ့ တောင်းဆိုချက်တွေနဲ့ ဒီပြဿနာ ပြေလည်အောင် အတတ်နိုင်ဆုံး ဖြေရှင်းဖို့ ဆုံးဖြတ်ထားတယ်လို့လည်း အဲဒီဝန်ထမ်းက အခုလို ပြောပြပါတယ်။

“အလုပ်သမားပြဿနာ တခုတော့ ရှိတယ်။ ကျနော်တို့ ဖြေရှင်းပေးနေပါတယ်။ ကျနော်တို့ ဒါရိုက်တာအဖွဲ့က ရှင်းပေးနေတယ်ဆိုတာတော့ ကျနော်သိပါတယ်။ ကျနော်တို့ကတော့ အလုပ်သမားတွေရဲ့ ဆန္ဒ အကုန်လုံးကို လိုက်လျောပေးမယ်လို့ ပြောထားပါတယ်။”

ဂျော်ဒန်နိုင်ငံရဲ့ လူဝင်မှုကြီးကြပ်ရေး ဥပဒေအရ အလုပ်သမားတယောက် အနေနဲ့ အလုပ်ထွက်ပြီး ကိုယ့်နေရပ်ရင်း ပြန်မယ်ဆိုရင် အလုပ်ရှင်ရဲ့ သဘောတူညီချက် ရယူရမှာ ဖြစ်ပါတယ်။

VOA မှကူးယူဖော်ပြပါသည်။



Download မနန္ဒာချမ်း
နားဆင်ရန် (MP3)
Listen to This Report မနန္ဒာချမ်း
အစီအစဉ်ကိုရယူရန် (MP3)
E-mail This Article ဤသတင်းဆောင်းပါးကို အီးမေးလ်ပို့ရန်။
Print This Article ပုံနှိပ်ရန်လွယ်ကူသည့်စာသား
Top Story

More From VOA

Read More...

ome သတင်း မြန်မာအလုပ်သမား (၁၀၀) ခန့် ပြန်ပို့ခံရ

မြန်မာအလုပ်သမား (၁၀၀) ခန့် ပြန်ပို့ခံရ

E-mail Print
အလုပ်ကိုင်ရှာဖွေရေး အေးဂျင့်၏ လိမ်လည်မှုကြောင့် မြန်မာအလုပ်သမား (၁၀၀) နီးပါး စင်္ကာပူနိုင်ငံမှ ပြန်ပို့ခံရသည်။

ပြီးခဲ့သည့် ဒီဇင်ဘာ ၃၀ ရက်နေ့က အလုပ်လုပ်ခွင့် သက်တမ်း (၆) လပြည့်သည့် အချိန်တွင် စင်္ကာပူနိုင်ငံတွင် အလုပ်လုပ်ကိုင်နေသည့် မြန်မာအလုပ်သမားများကို ပြန်ပို့လိုက်ခြင်းဖြစ်ကြောင်း ကာယကံရှင်တဦးက ပြောသည်။

“သူတို့က ကျနော်တို့မသွားခင် အရင်ဆုံး (၁) နှစ်စာလို့ဘဲပြောတယ်၊ ပြီးရင်နောက်တနှစ် ထပ်ပေးမယ်ပေါ့၊ အဲဒီလိုနဲ့စာချုပ်ချုပ်တာ တကယ်တမ်းသွားတော့ (၆) လဖြစ်သွားတာ၊ (၆) လနဲ့ ပြန်လွှတ်လိုက်တာ၊ တကယ်တမ်း ဟိုဘက်က ခေါ်တာက (၆) လဘဲခေါ်တာ၊ ဒါပေမဲ့ ဒီဘက်ကုမ္ပဏီက ကျနော်တို့ကိုလိမ်လိုက်တာ” ဟု ၎င်းကဆက်ပြောသည်။

ယင်းကဲ့သို့ သွားရောက်ရန် ဝန်ဆောင်မှုပေးသည့်ကုမ္ပဏီမှာ ကောင်းဆက်ကုမ္ပဏီဖြစ်ပြီး စင်္ကာပူနိုင်ငံတွင်လည်း ငွေဇင်ယော်အမည်ဖြင့် ကုမ္ပဏီရုံးခွဲဖွင့်လှစ်ထားပြီး အဆိုပါကိစ္စနှင့်ပတ်သက်၍ တစုံတရာ ဆောင်ရွက်ပေးခြင်းမရှိကြောင်း ကာယကံရှင်က ဆက်ပြောသည်။

“ကျနော်တို့ မသွားခင်မှာ သင်တန်းတက်တာရော အကုန်ဝန်ဆောင်ကြေး သိန်း ၃၀ လောက်ရှိတယ်၊ အရင်းမကြေပါဘူး၊ ဘာကြောင့်လည်းဆိုရင် ဟိုကိုရောက်ခါစက သူ့နိုင်ငံမှာနေရင် လုပ်ရမဲ့ စည်းမျဉ်းစည်းကမ်း စာမေးပွဲ လေးတွေဖြေတဲ့ စရိတ်တွေရှိတယ်၊ ခရီးသွားလာခွင့်ကဒ်တွေလုပ်တဲ့ ကုန်ကျစရိတ် ရှိတယ်၊ တကယ်တမ်းကျတော့ လခက ၄၅၀ နှုန်းဘဲရတယ်၊ အရင်ကလည်း အဲဒီကုမဏီက နှစ်နှစ်စာ အကျိုးဆောင်ခ တောင်းထားတာ သိန်း ၄၀ လောက်ရှိတယ်၊ အဲဒီလူတွေကလည်း တနှစ်လောက်ဘဲလုပ်ရတယ်၊ ကျနော်တို့က နှစ်ဆ နှစ်ဆပေးပြီး သူ့အတွက်လုပ်ပေးနေရပြီး ကိုယ့်အရင်းပါ ပျောက်သွားသလိုဖြစ်တာ” ဟု ၎င်းက ပြောသည်။

စင်္ကာပူတွင် အလုပ်လုပ်စဉ် အတွင်းမှာလည်း ခွဲခြားဆက်ဆံခံရခြင်းများရှိပြီး လုပ်အားခ အနိမ့်ဆုံးလခကိုသာ ရရှိကာ အခြားဖိလစ်ပိုင်၊ ထိုင်း၊ အိန္ဒိယအလုပ်သမားများမှာ လုပ်အားခ ၉၀၀ နီးပါရရှိကြောင်း ၎င်းက ပြောသည်။

“အဲဒီ အေးဂျင့်က ကျနော်တို့ကို သက်သက်ကို အနိုင်ကျင့်လိုက်တာ၊ သူတို့ ရုံးခွဲလည်း ရှိတာဘဲ၊ ကျနော်တို့က အဲလိုဖြစ်တာကို အကြောင်းကြားတော့ ရှောင်နေတယ်၊ ဘာမှ တစုံတရာ လိုက်ဖြေရှင်းပေးတာ မရှိဘူး” ဟု ကာယကံရှင်က ဆက်ပြောသည်။

အဆိုပါ ပြန်ပို့ခံရသူများမှာ ၂၀၀၉ ခုနှစ် မတ်လက သွားရောက်အလုပ်လုပ်ကိုင်ကြသူများဖြစ်ပြီး ဝန်ဆောင်မှု ကုမ္ပဏီက ၂ နှစ်ဗီဇာရမည်ဖြစ်ကြောင်း ပြောဆိုထားခဲ့သည်ဟု ပြောသည်။

ကောင်းဆက်ကုမ္ပဏီ တာဝန်ရှိသူတဦးက “ကျနော်တို့အလုပ်ကြော်ငြာထဲမှာကိုက Work ပါမစ်နဲ့ တနှစ်ဆို တနှစ် ပြည့်မှဘဲ ပြန်လွှတ်တာပါ၊ အဲဒါကို ပြန်လာတဲ့သူတွေက ပြောတယ်ဆိုရင်လည်း ကျနော်တို့ ကောင်းဆက်က မဖြစ်နိုင်ပါဘူး၊ ဘာဖြစ်လို့လည်းဆိုတော့ ကျနော်တို့ စင်္ကာပူမှာလည်း ကုမဏီခွဲရှိတဲ့အတွက် အလုပ်သမားတွေနဲ့လည်း အချိတ်အဆက်ရှိတယ်၊ တနှစ်စာချုပ်ချုပ်ထားရင် တနှစ်အပြည့်ဘဲ လုပ်ရပါတယ်၊ (၆) လနဲ့ ပြန်လွှတ်တာတို့ ဘာတို့တော့ မရှိပါဘူး” ဟု ပြန်လည်ဖြေကြားခဲ့သည်။

အဆိုပါ ကောင်းဆက်ကုမ္ပဏီကို ဒေါ်ဌေးဌေးယုစံက တာဝန်ယူပြီး စင်္ကာပူမှ ငွေဇင်ယော်ကုမ္ပဏီကို ဦးဇော်ညွှန့်က ဦးစီးလုပ်ကိုင်နေလျှက်ရှိကာ မြန်မာနိုင်ငံမှ အလုပ်သမားများကို စင်္ကာပူ၊ ကာတာ၊ ဒူဘိုင်း၊ မလေးရှား အစရှိသည့် နိုင်ငံများသို့ ပို့ဆောင်ပေးနေသည်ဟု အဆိုပါ တာဝန်ရှိသူက ဆက်ပြောသည်။
ရိုးမ၃ website မှကူးယူဖော်ပြပါသည်။

Read More...

မြန်မာဘာသာဖြင့် ရေဒီယိုအသံလွှင့်အစီအစဉ် မဲဆောက်တွင် စတင်
ရဲရင့်/ ၆ ဇန်န၀ါရီ ၂၀၁၀

line

မဲဆောက်မြို့တွင် ရွှေ့ပြောင်းအလုပ်သမားများအတွက် မြန်မာဘာသာဖြင့် ပထမဦးဆုံးထုတ်လွှင့်မည့် ရေဒီယိုအသံလွှင့် အစီအစဉ်တင်ဆက်မှုကို ယနေ့စမ်းသပ်ထုတ်လွှင့်ရာ မဲဆောက်နှင့် မြ၀တီရှိ မြန်မာများ အားပေးခဲ့ကြသည်။

ထိုင်းနိုင်ငံအခြေစိုက် MAP FOUNDATION အဖွဲ့၏ တိုင်းရင်းသား အလုပ်သမားကျန်းမာရေးနှင့် ပညာပေးအစီအစဉ်အရ ထုတ်လွင့်မည့် FM-102.50Mhz လှိုင်းတိုထုတ်လွှင့်မှုကို ယနေ့စမ်းသပ်ထုတ်လွှင့်ခြင်းဖြစ်ပြီး တရားဝင်ထုတ်လွှင့်မှုကို ယခုလ (၁၂) ရက်နေ့တွင် စတင်မည်ဖြစ်သည်။

အဆိုပါအသံလွင့်ဌာန၏ တာဝန်ခံ ကိုမင်းလွင်က “အဓိက အလုပ်သမားတွေအတွက် ဖြစ်တယ်။ ကျန်းမာရေး၊ ပညာရေး၊ ဖျော်ဖြေရေး ကဏ္ဍတွေအပြင် အလုပ်သမားဆိုင်ရာတွေကိုတော့ ထိုင်းအလုပ်သမားရုံးတွေကနေ လာရောက်ဟောပြောမှာ ဖြစ်တယ်” ဟု ခေတ်ပြိုင်သို့ ပြောသည်။

နေ့စဉ် နံနက် (၈) နာရီမှ ည (၆) နာရီအထိ ထုတ်လွှင့်မှုကို မဲဆောက်မြို့နယ်အပါအ၀င် မြ၀တီမြို့နယ်အတွင်း အသံလိုင်း ကြည်လင်စွာ နားထောင်နိုင်မည်ဖြစ်ပြီး စီးပွားရေးကြော်ငြာများနှင့် နိုင်ငံရေးဆိုင်ရာကိစ္စရပ်မျာကို ထည့်သွင်း ထုတ်လွှင့်မည် မဟုတ်ဟု ၎င်းက ပြောသည်။

မဲဆောက်မြို့လယ်တွင် အခြေစိုက်ပြီး မြို့ကိုဗဟိုပြု၍ (၁၅) ကီလိုမီတာအကွာအဝေးမှ ဖမ်းယူနိုင်သဖြင့် မြန်မာဘက်ခြမ်း မြ၀တီမြို့နယ်အတွင်း အသံကြည်လင်စွာ ဖမ်းယူရရှိနိုင်သည်ဟု ထုတ်လုပ်ရေးမှူးက ပြောသည်။

စမ်းသပ်ထုတ်လွှင့်မှုကို ယနေ့နံနက်၌ စတင်ရာ မြ၀တီမြို့အတွင်းပိုင်းအထိ နားထောင်၍ရကြောင်း မဲဆောက်-မြ၀တီ ပြေးဆွဲသည့် ရွှေမြန်မာယာဉ်လိုင်းမှ ယာဉ်မောင်းတဦးက ပြောသည်။

၎င်းက “ဒီလိုင်းက ဒီနေ့မှစကြားတာ။ သီချင်းကောင်းတွေချည်းပဲ လွှင့်တယ်။ တမြို့လုံး ဖမ်းလို့ရတယ်။ အသံလည်းကြည်တယ်။ ကိုယ့်ကားက ရေဒီယိုရှိတော့ နားထောင်လို့ရတယ်။ ခရီးသည်တွေလည်း ကြိုက်တယ်။ မြ၀တီကိုဝင်ရင်တော့ အခြေအနေ ကြည့်ပြီးဖွင့်ရတယ်။ ဟိုမှာက မဲဆောက်နဲ့မတူဘူး” ဟု ပြောသည်။

တီကေအထည်ချုပ်စက်ရုံမှ ကိုအောင်က “ဖျော်ဖြေရေးနဲ့ပညာပေးကို များများလွှင့်ပါ။ ဒီမနက် စမ်းသပ်လွှင့်တဲ့ပုံဆိုရင်တော့ ရှယ်ပဲ။ စက်ရုံတွေမှာ နားထောင်နေကြတာက နေပြည်တော်လိုင်းနဲ့ အခြားမြန်မာ FM လိုင်းတွေများတယ်။ သူတို့လည်း သီချင်းကောင်းတွေ လွှင့်တာများတယ်။ ခက်တာက ဟိုအရေမရအဖတ်မရ တို့အရေးသုံးပါးတွေ၊ နအဖအာဘော်တွေ၊ နိုင်ငံရေးစကားဝိုင်းတွေကို လူတွေက စိတ်ညစ်တယ်။ ကိုယ်က အဲဒါထက် သာအောင်လုပ်ဖို့လိုတယ်။ ဒါမှအများလက်ခံမယ်” ဟု ပြောသည်။

မဲဆောက်ဒေသအတွင်း ရွှေ့ပြောင်းမြန်မာအလုပ်သမား (၂) သိန်းခန့် အလုပ်လုပ်ကိုင်လျက်ရှိသည်ဟု အလုပ်သမားအရေး ဆောင်ရွက်နေသည့် အဖွဲ့များက ပြောသည်။

ထုတ်လွှင့်မှုကို ယမန်နှစ်ကုန်ပိုင်းက မဲဆောက်မြို့ပြင်တွင် စတင်ရန်စီစဉ်ခဲ့သော်လည်း အသံလွှင့်စက်၏ ဗို့အားကြီးမားမှုကြောင့် အခြေချရာရပ်ကွက်ရှိ ရုပ်သံလိုင်းများ ပြတ်တောက်မှု ဖြစ်ပွားခဲ့သဖြင့် မဲဆောက်မြို့လယ်သို့ ရွှေ့ပြောင်းခဲ့ရခြင်းဖြစ်သည်။

ထိုင်းနိုင်ငံအခြေစိုက် ရွှေ့ပြောင်းအလုပ်သမားအရေး ဆောင်ရွက်ပေးနေသည့် MAP FOUNDATION အဖွဲ့သည် ထိုင်းနိုင်ငံ ချင်းမိုင်မြို့တွင်လည်း ရွှေ့ပြောင်းအလုပ်သမားများအတွက် FM ရေဒီယို အသံလွှင့်ဌာနတခုကို ၂ဝဝ၈ ခုနှစ်က စတင်ကာ မြန်မာ၊ ရှမ်း၊ ကရင်ဘာသာများဖြင့် ထုတ်လွှင့်လျက်ရှိသည်။

ခေတ်ပြိုင်မှကူးယူဖော်ပြပါသည်။


Read More...

Monday, January 4, 2010

ဦးအောင်ဆန်းဦး မျက်နှာကို ပစ်မှတ်ထား၍ မြားပစ်ပြိုင်ပွဲ ကျင်းပ

E-mail Print
၆၂ နှစ်မြောက် လွတ်လပ်ရေး အောင်ပွဲနေ့ အခမ်းအနားများကို ပြည်တွင်း ပြည်ပတွင် ကျင်းပလျက်ရှိရာ ထိုင်း - မြန်မာနယ်စပ် မဲဆောက်မြို့ အခြေစိုက် မြန်မာရွှေ့ပြောင်း အလုပ်သမား သားသမီးများ တက်ရောက် ပညာသင်ကြား နေသည့် S.A.W အထက်တန်းကျောင်းတွင် “အောင်ဆန်းဦးကို သင်ခန်းစာပေးခြင်း” အမည်ရှိ မြားပစ်ပြိုင်ပွဲ ကျင်းပကြောင်း သိရသည်။

လွတ်လပ်ရေးနေ့ အထိမ်းအမှတ် မြားပစ်ပြိုင်ပွဲဝင်မည့် ကလေးများ (ဓာတ်ပုံ - ဧရာဝတီ)

လူထုခေါင်းဆောင် ဒေါ်အောင်ဆန်း စုကြည်သည် ပြည်သူ့ဘက်မှ မားမားမတ်မတ် ရပ်တည်လျက် ရှိသော်လည်း ၎င်း၏ အစ်ကိုကြီးဖြစ်သူ ဦးအောင်ဆန်းဦးမှာမူ လူထုခေါင်းဆောင်ကို နှမအဖြစ် စာနာ ထောက်ထားခြင်း မရှိဘဲ နှောင့်ယှက် တိုက်ခိုက်လျက် ရှိသောကြောင့် အဆိုပါပွဲ ကျင်းပခြင်း ဖြစ်ကြောင်း S.A.W အထက်တန်း ကျောင်းမှ ဆရာသီဟမောင်မောင်က ပြောသည်။

“ဦးအောင်ဆန်းဦးဟာ ဗိုလ်ချုပ် အောင်ဆန်းရဲ့ သားဖြစ်ပေမယ့် ပြည်သူ လူထုကို ဖိနှိပ်ချုပ်ချုပ်ချယ်တဲ့ စစ်အုပ်စုနဲ့ ပေါင်းပြီး သူ့နှမ အရင်းဖြစ်တဲ့ လူထု ခေါင်းဆောင်ကို နေရေး ထိုင်ရေး ခက်ခဲအောင် လုပ်တယ်။ လူထု ခေါင်းဆောင်ဟာ ဒီမိုကရေစီရဲ့ သင်္ကေတ ဖြစ်တယ်။ သူနေတဲ့ အိမ်ဟာ ၁၉၈၈ နောက်ပိုင်းမှာ မြန်မာနိုင်ငံအတွက် အရေးပါတဲ့ ကိစ္စများစွာမှာ ပါဝင်ခဲ့တဲ့ သမိုင်းဝင်အိမ်ကြီးဖြစ်တယ်။ ဒါကို မစဉ်း စားမဆင်ခြင်ဘဲ လုပ်တဲ့ သူ့ လုပ်ရပ်ဟာ အင်မတန် အသိဉာဏ်မဲ့တဲ့ အလုပ်ဖြစ်တယ်။ ဒါကို ကလေးတွေသိအောင် အခုလို မြားပစ်ပြိုင်ပွဲ ကျင်းပပေးတာပါ” ဟုဆိုသည်။

ယခုပြိုင်ပွဲသည် ဦးအောင်ဆန်းဦး၏ လုပ်ရပ်များကို ဆန့် ကျင်ခြင်း၊ ရှုတ်ချခြင်း သဘောကို ပေါ်လွင်ထင်ရှားစေရန် ပြုလုပ်ခြင်း ဖြစ်သည်ဟု ဆရာသီဟမောင်မောင်က ဆိုသည်။ အင်းဆက် ပိုးမွှားကောင်များ၏ ကိုယ်ခန္ဓာပ်ါတွင် ဦးအောင်ဆန်းဦး၏ မျက်နှာကို တပ်ဆင်ပေးလိုက်သောအခါ ကလေးများအနေနှင့် မြားဖြင့် ပစ်ပေါက်ချင်စိတ် ပိုမိုဖြစ်ပေါ်လာခဲ့သည်ဟု သူက ဆက်ပြောသည်။

ထိုကဲ့သို့ အင်းဆက်ပိုးမွှား ခန္ဓာကိုယ်ပေါ်တွင် ဦးအောင်ဆန်းဦး၏ မျက်နှာ တပ်ဆင်ခြင်းကို ပန်းချီ၊ ဒီဇိုင်းဆရာလည်း ဖြစ်သူ ကျောင်းဆရာသီဟမောင်မောင် ကိုယ်တိုင် ပြုလုပ်ခြင်း ဖြစ်သည်။

ယနေ့ ပြုလုပ်သော လွတ်လပ်ရေးအောင်ပွဲနေ့ အခမ်းအနားတွင် အထက်တန်းပြဆရာ ဦးဇော်ငြိမ်းလတ်က လွတ်လပ်ရေးနေ့ အကြောင်းကို ဟောပြောပြီး ဆရာသီဟမောင်မောင်က “အောင်ဆန်းဦးကိုသင်ခန်းစာပေးခြင်း” မြားပစ်ပြိုင်ပွဲ အကြောင်းကို ရှင်းပြခဲ့သည်။

အသက် ၁၃ နှစ်အရွယ် သတ္တမတန်းကျောင်းသား မောင်ဝင်းသက်ပိုင်ဦးက “ဦးအောင်ဆန်းဦးက ကိုယ့်အိမ်ကို ထောင်အဖြစ် လုပ်ပြီးနေနေရတဲ့ ညီမကို ဒုက္ခပေးနေတယ်။ သားတို့က သူ့ မျက်နှာတည့်တည့်ကို မှန်အောင်ကိုပစ်မယ်” ဟု ပြောသည်။

“လွတ်လပ်ရေးကိုရဖို့ ဗိုလ်ချုပ်အောင်ဆန်းနဲ့တကွ တိုင်းရင်းသား ခေါင်းဆောင်ကြီးတွေ ကြိုးစားခဲ့ကြတယ်။ အခုတော့ စစ်အာဏာရှင် စနစ်အောက်က လွတ်မြောက်ဖို့ တိုက်ပွဲဝင်နေကြရတယ်။ ဦးအောင်ဆန်းဦးအနေနဲ့ ဒီမိုကရေစီတိုက်ပွဲမှာ ၀င်ပါခြင်းမပါခြင်းက သူ့ အခွင့်အရေးပဲ၊ ဘာမှ ပြောစရာမရှိပါဘူး။ ဒါပေမယ့် ဒီမိုကရေစီအရေးကို စွမ်းစွမ်းတမံ ဆောင်ရွက်နေတဲ့ လူထုခေါင်းဆောင်ကို တိုက်ခိုက်တာရယ်၊ နောက်ပြီး ပြည်သူကို ဖိနှိပ်တဲ့ နအဖ နဲ့ပူးပေါင်းတယ်” ဟု နိုင်ငံရေး အကျဉ်းသားဟောင်း ဦးဇော်ငြိမ်းလတ်က ဆိုသည်။

အဆိုပါ အခမ်းအနားသို့ ကျောင်းသူ ကျောင်းသား ၂၀၀ ကျော်တက်ရောက်ခဲ့ပြီး “အောင်ဆန်းဦးကို သင်္ခန်းစာပေးခြင်း” မြားပစ်ပြိုင်ပွဲတွင် ပျော်ရွှင်စွာ ပါဝင်ကစားခဲ့ကြသည်ဟု သိရသည်။

ဗိုလ်ချုပ်အောင်ဆန်း၏ သားဖြစ်သူ ဦးအောင်ဆန်းဦးသည် ဒီမိုကရေစီအရေး လှုပ်ရှားမှုများတွင် ပါဝင်ခြင်း မရှိပေ။ ဒေါ်အောင်ဆန်းစုကြည် နေထိုင်သည့် တက္ကသိုလ်ရိပ်သာလမ်းရှိ နေအိမ် ပိုင်ဆိုင်ခွင့်နှင့် ပတ်သက်ပြီး တရားရုံးမှတဆင့် တောင်းဆိုခဲ့သည်။

နေအိမ်ကို ဒေါ်အောင်ဆန်းစုကြည်၏ ဗိသုကာပညာရှင်များက မွမ်းမံ ပြင်ဆင်လျက်ရှိရာ ဦးအောင်ဆန်းဦးက ကန့်ကွက်သဖြင့် ပြီးခဲ့သည့်လက ပြင်ဆင်မှုလုပ်ငန်းများ ရပ်ဆိုင်းသွားသည်။

ဦးအောင်ဆန်းဦး၏ လုပ်ရပ်များသည် ဒေါ်အောင်ဆန်းစုကြည်ကို ထိခိုက်စေသောကြောင့် စစ်အစိုးရ အလိုကျ လုပ်ဆောင်နေခြင်း ဖြစ်သည်ဟု ယူဆမှုများလည်း ထွက်ပေါ်နေသည်။ ထိုဖြစ်ရပ်များနှင့် ပတ်သက်ပြီး သတင်းဌာနများက ဆက်သွယ်မေးမြန်းသော်လည်း ဦးအောင်ဆန်းဦးက ပြန်လည် ဖြေကြားခြင်း မရှိပေ။ ဧရာဝတီ web site မှ ကူးယူဖော်ပြပါသည်။

Read More...

(

အစိုးရ၀န်ထမ်း လစာနှုန်းများ ကျပ်(၂) သောင်း တိုးမြှင့်ပေး
၂၀၁၀ ဇန်န၀ါရီမှ စတင် ခံစားရမည်

အောင်ထက်/ ၄ ဇန်န၀ါရီ ၂၀၁၀

line

အစိုးရဌာနများနှင့် အဖွဲ့အစည်းများ၏ ဖွဲ့စည်းပုံအရ ခွင့်ပြုထားသော ရာထူးများ၌ တာဝန်ထမ်းဆောင်နေကြသည့် အစိုးရ၀န်ထမ်းများ၏ လစာနှုန်းထားများကို ရာထူးအဆင့် မခွဲခြားဘဲ တစ်ပြေးညီ ၂၀၀၀၀ ကျပ် တိုးမြှင့်ပေးလိုက်သည်ဟု ဘဏ္ဍာရေးနှင့် အခွန်ဝန်ကြီးဌာန၊ ၀န်ကြီးရုံး၊ နေပြည်တော်မှ အမိန့်ကြော်ငြာစာအမှတ် ၁၀၄/၂၀၀၉ ကို ဒီဇင်ဘာ (၃၁) ရက်တွင် ထုတ်ပြန်လိုက်သည်။

ဤအမိန့်ကြော်ငြာစာအရ ခံစားခွင့်များကို ၂၀၁၀ ပြည့်နှစ်၊ ဇန်န၀ါရီလမှ စ၍ ခံစားခွင့် ရှိစေရမည်ဟု ဖော်ပြထားသည်။

အစိုးရဌာနများနှင့် အဖွဲ့အစည်းများရှိ နေ့စားအလုပ်သမားများ၏ လုပ်ခကို အလုပ်ချိန် တနေ့ (၈) နာရီအတွက် (လက်ရှိ သတ်မှတ် လုပ်အားခ) ကျပ် ၅၀၀ မှ ၁၀၀၀ ကျပ်သို့ တိုးမြှင့် သတ်မှတ်လိုက်ကြောင်း၊ တပ်မတော် ကြည်း-ရေ-လေ ၀န်ထမ်းများ၏ လစာနှုန်းသတ်မှတ်ချက်မှာ- တပ်မတော်အတွက် သတ်မှတ် လစာနှင့် စရိတ်နှုန်းထားများအပြင် အငြိမ်းစားလစာနှင့် ဆုကြေးဆိုင်ရာ လုပ်ထုံးလုပ်နည်းများကို ကာကွယ်ရေးဝန်ကြီးဌာန၊ ကာကွယ်ရေးကောင်စီသို့ တင်ပြ၍ အတည်ပြုချက် ရယူရမည်ဟု သိရသည်။

နိုင်ငံခြားတွင် တာဝန်ထမ်းဆောင်နေသည့် နိုင်ငံခြားရေးဝန်ထမ်းများနှင့် အခြားအလားတူ ၀န်ထမ်းများသည် ပြည်ပတွင် တာဝန်ထမ်းဆောင်နေစဉ်အတွင်း လက်ရှိခံစားနေသော လစာနှုန်းထားများအတိုင်းသာ နိုင်ငံခြားသုံးငွေဖြင့် ထုတ်ယူခံစားရန်ဖြစ်သည်။

မြန်မာနိုင်ငံသို့ ပြန်လည်ရောက်ရှိ တာဝန်ထမ်းဆောင်ရသည့်အခါတွင် မိမိရာထူးအဆင့်နှင့် လျော်ညီစွာ သတ်မှတ် လစာနှုန်းသစ်ကို ခံစားရန်ဖြစ်သည်ဟု အဆိုပါ အမိန့်ကြော်ငြာစာတွင် ဖော်ပြပါရှိသည်။

သို့သော် အစိုးရရုံးဌာန ၊ အငြိမ်းစား ၀န်ထမ်းများ၏ ပင်စင်လစာငွေများ တိုးမြှင့်ခြင်း (သို့မဟုတ်) တပေါင်းတည်း အပြတ်စနစ် ထုတ်ပေးခြင်းတို့ကိုမူ ဖော်ပြထားခြင်း မရှိချေ။

အမှတ်စဉ် လက်ရှိလစာနှုန်း(ကျပ်) တိုးမြှင့်လစာနှုန်း(ကျပ်)
၁၅၀၀၀-၁၀၀၀-၂၀၀၀၀ ၃၅၀၀၀-၁၀၀၀-၄၀၀၀၀
၂၁၀၀၀-၁၀၀၀-၂၆၀၀၀ ၄၁၀၀၀-၁၀၀၀-၄၆၀၀၀
၂၇၀၀၀-၁၀၀၀-၃၂၀၀၀ ၄၇၀၀၀-၁၀၀၀-၅၂၀၀၀
၃၃၀၀၀-၁၀၀၀-၃၈၀၀၀ ၅၃၀၀၀-၁၀၀၀-၅၈၀၀၀
၃၉၀၀၀-၁၀၀၀-၄၄၀၀၀ ၅၉၀၀၀-၁၀၀၀-၆၄၀၀၀
၄၅၀၀၀-၁၀၀၀-၅၀၀၀၀ ၆၅၀၀၀-၁၀၀၀-၇၀၀၀၀
၈၀၀၀၀-၂၀၀၀-၉၀၀၀၀ ၁၀၀၀၀၀-၂၀၀၀-၁၁၀၀၀၀
၁၀၀၀၀၀-၂၀၀၀-၁၁၀၀၀၀ ၁၂၀၀၀၀-၂၀၀၀-၁၃၀၀၀၀
၁၂၀၀၀၀-၂၀၀၀-၁၃၀၀၀၀ ၁၄၀၀၀၀-၂၀၀၀-၁၅၀၀၀၀
၁၀ ၁၄၀၀၀၀-၂၀၀၀-၁၅၀၀၀၀ ၁၆၀၀၀၀-၂၀၀၀-၁၇၀၀၀၀
၁၁ ၁၆၀၀၀၀-၂၀၀၀-၁၇၀၀၀၀ ၁၈၀၀၀၀-၂၀၀၀-၁၉၀၀၀၀
၁၂ ၁၉၀၀၀၀-၂၀၀၀-၂၀၀၀၀၀ ၂၁၀၀၀၀-၂၀၀၀-၂၂၀၀၀၀

(မှတ်ချက်) နှစ်တိုးများကို ၂ နှစ်လျှင် တစ်ကြိမ် ခံစားခွင့်ပြုသည်။

ခေတ်ပြိုင်မှ ဖော်ပြပါသည်။

Read More...

မဲဆောက်မြို့ တောင်ဘက် ဖုတ်ဖရာ မြို့နယ် မှ ကားတိုက်မှု သတင်း

ဈာပန အခမ်းအနား မြင်ကွင်း

သေဆုံးသူ၏ ဖခင်နှင့် တွေ့ဆုံမေးမြန်းစဉ်
ထိုင်း-မြန်မာ နယ်စပ် မဲဆောက်မြို့ တောင်ဘက် ဖုတ်ဖရာ မြို့နယ် ကျောက်ခက်ရွာ နေ စိုက်ပျိုးရေးလုပ်သား ဦးမြင့်၏ သား မောင်ဖိုးချဲအား ဒီဇင်ဘာ ၃၀ရက် ၂၀၀၉ နေ့ က မဲဆောက်မြို့မှ ကားတစီးက ၀င်ရောက်တိုက်ခဲ့ရာ ထိုနေရာမှာပင် လုံးဝသတိမရ တော့ဘဲ ၂၀၁၀ ဇန်န၀ါရီလ ၁ရက် New Year နေ့ တွင် ကွယ်လွန်ခဲ့ပါသည်၊ ထိုကိစ္စအား ကားပိုင်ရှင်က အမှု ကြေအေးစေရန်အတွက် ဘတ်ငွေ ၁သောင်းနှင့် သင်္ဂြိုံလ်စားရိတ်ငွေ ၅၀၀၀ဘတ် အား ဦးမြင့်၏ အလုပ်ရှင်ထံ ပေးအပ်ခဲ့ပါသည်။ ထိုအမှု ကြေအေးစေရန်အတွက် ခြံပိုင်ရှင်နှင့် ပူးပေါင်းပြီး ကာယကံရှင်အား ဖိအား ပေးခဲ့ပါသည်၊ ကာယကံရှင်များက မကြေနပ်သဖြင့် ရောင်ခြည်ဦး အလုပ်သမား အဖွဲ့ က ကူညီ၍ အသုဘချပေးပြီး အမှု အမှန်အတိုင်းဖြစ်စေရန် ကူညီပေးလျှက်ရှိပါသည်။

ချမ်းမြေ့ခင်

Read More...

Sunday, January 3, 2010

မလေးရှား သို့ တရားမ၀င် သွားရောက်မည့် လူ ၃၀ကို ထိုင်းစစ်တပ်က ဖမ်းဆီး

(မလေးရှားနိုင်ငံသို့ တရားမဝင်သွားရောက်မည့် လူမှောင်ခို စက်လှေတစီးကို ယခုလ ၂၂ ရက်နေ့ ညပိုင်းတွင် ထိုင်းအာဏာပိုင်များက ဖမ်းဆီးခဲ့သည်။

တနင်္သာရီတိုင်း၊ ကော့သောင်းမြို့မှ ထွက်ခွာလာသည့် အဆိုပါစက်လှေပေါ်တွင် လူ ၃၀ ပါလာပြီး ရနောင်းစစ်တပ်က မီးပြကျွန်းတွင် ဖမ်းဆီးလိုက်ခြင်းဖြစ်ကြောင်း ဒေသခံတဦးက ပြောသည်။

“လှေသမားက ၂ ယောက်မှာ တယောက်က ရေထဲခုန်ချပြီး ထွက်ပြေးလွတ်သွားတယ်၊ သားငယ်လေး(ခ) အလစ်ဆိုတဲ့ ကောင်လေးတယောက်ဘဲ မိတယ်၊ ကောသောင်း ရွှေမင်းဝံအပိုင်က အသက် ၁၅ နှစ်ဘဲရှိတယ်၊ လောလောဆယ် သူ့ကို ရုံးတင်စစ်ထားတယ်” ဟု ပြောသည်။

စက်လှေပေါ်တွင်လိုက်ပါလာသူများမှာ ထားဝယ်၊ မြိတ်၊ မော်လမြိုင်၊ ရန်ကုန်အပြင် အခြားမြန်မာပြည်အတွင်းပိုင်းမှ လူများပါဝင်ပြီး အသက်မပြည့်သေးသည့် ကလေးငယ် (၄) ဦး၊ အမျိုးသမီး (၇) ဦးနှင့် ယောင်္ကျား (၂၀) ဦး ပါဝင်ကြောင်း အဆိုပါဒေသခံက ဆက်ပြောသည်။

“သူတို့ထွက်လာတာက ကော့သောင်း တောင်နောက်လှေဆိပ်ကနေ ထွက်လာတာ၊ ပွဲစားတွေအဆက်သွယ်နဲ့ပေါ၊ မလေးမှာရောက်နေတဲ့ အမျိုးတွေက ချိတ်ဆက်ပေးပြီး အဲလိုတွေထွက်လာကြတာ၊ ကော့သောင်းရောက်ရင် ဘယ်သူ ဘယ်သူဆက်သွယ်ပါ၊ ကော့သောင်းမှာ လာကြိုကြတယ်လေ၊ ပွဲစားတွေက ကြိုတာပေါ့၊ ညီကိုမောင်နှမတွေက ဆက်သွယ်ကြတယ် အမျိုးမျိုးပေါ့၊ ပိုက်ဆံရှိလို့ လာကြတာလည်း ရှိတယ်၊ ပုံစံအမျိုးမျိုးနဲ့ လာကြတာ” ဟု ပြောသည်။

အဆိုပါ စက်လှေကို ကော့သောင်းမြို့မှ မနွယ်ဆိုသည့်အမျိုးသမီးက ပိုင်ဆိုင်ပြီး စက်လှေမောင်းလာသည့် သားငယ်လေး(ခ) အလစ်ဆိုသူကို တရားမဝင်လူသယ်ဆောင်မှု၊ ထိုင်းနိုင်ငံအတွင်းသို့ တရားမဝင်ခိုးဝင်မှုတို့ဖြင့် တရားစွဲဆိုထားပြီး ကလေးထောင်သို့ ပို့ဆောင်မည်ဖြစ်ကြောင်း ၎င်းဒေသခံက ဆက်ပြောသည်။

ယခု ဖမ်းဆီးထားသူများကို သက်သေအနေဖြင့်ထားရှိပြီး ပါနန်အချုပ်ခန်းတွင် ထိမ်းသိမ်းထားကာ ဒဏ်ငွေ (သို့မဟုတ်) ထောင်ဒဏ်အပြစ်ပေးနိုင်ကြောင်း ၎င်းက ဆက်ပြောသည်။

“သူတို့က ရိုးရိုး တောမောင်းမရှိတဲ့အတွက် ထောင် ၁၀ ရက်လောက်တော့ကျမယ်၊ ဒဏ်ငွေဆိုရင် (၂၀၀၀)၊ (၂၅၀၀) လောက်ဆောင်ရနိုင်တယ်” ဟု ပြောသည်။

ယခုကဲ့သို့ ဖမ်းဆီးရမိခြင်းသည် ၂၀၀၉ ခုနှစ်အတွင်း လူအများဆုံးကို ပထမဆုံးအကြိမ် ဖမ်းဆီးမိခြင်းဖြစ်ပြီး ပွင့်လင်းရာသီရောက်ရှိလာသည့်အတွက် တရားမဝင် ဝင်ရောက်လာသူများကို ဖမ်းဆီးရန် ထိုင်းအာဏာပိုင်များက ကြိုတင်စီမံထားရှိကြောင်း ၎င်းက ဆက်ပြောသည်။

Read More...

ရောင်ခြည်ဦးအလုပ်သမားများ အဖွဲ့
ရောင်ခြည်ဦး- အလုပ်သမားများအဖွဲ့ | Edit (Ycowa) Temples By