" *လူ့အခွင့်အရေးဆိုတာ မွေးလာကတည်းက လူတိုင်းရပြိးသားဖြစ်သည်။ အလုပ်သမားအခွင့်အရေးဆိုတာလဲ လူ့အခွင့်အရေးဖြစ်သည်။ မိမိအခွင့်အရေးအတွက် မိမိကိုယ်တိုင်ပါဝင်တိုက်ယူမှရမယ်။ မညီမျှမှုနဲ့မတရားမှုဆိုတာအဆိုးရွားဆုံးအကြမ်းဖက်မှုပဲ။ အမှန်တရားနဲ့ဂုဏ်သိက္ခာအတွက်တိုက်ပွဲဝင်မှုဟာမြင့်မြတ်တယ်။ လွတ်လပ်ခွင့်သို့မဟုတ်သေခြင်းတရားသာငါ့ကိုပေးပါ။*"

Wednesday, May 6, 2009

ဆန္ဒပြမှုနောက်ဆက်တွဲသတင်း။

ယနေ့နံနက် ၈း၃၀ တွင် Panthong Manufacturing Co,Ltd စက်ရုံမှ အလုပ်သမား(၂၀၀) ခန့် ၄င်းတို့လုပ်အားခ နှစ်လစာ လစာငွေ မရရှိသောကြောင့် ထိုင်းနိုင်ငံမဲဆောက်မြို့ အလုပ်သမားကာကွယ်ရေးရုံး ရှေ့တွင် သွားရောက်ဆန္ဒပြရာ နေ့လည် ၂း၃၀ နာရီတွင် ညှိနှိုင်းဆွေးနွေးပြီး သဘောတူညီချက်ရရှိသဖြင့် ဆန္ဒပြပွဲပြီးဆုံးသွားသည်။

မက်ဖေါင်ဒေးရှင်း နှင့် ရောင်ခြည်ဦးအလုပ်သမားများအဖွဲ့ အကူအညီဖြင့် အလုပ်သမား အခွင့်အရေး ကာကွယ်ရေးရုံးမှတာဝန်ရှိသူများ စက်ရုံ ပိုင်ရှင်ကိုယ်စားလှယ် နှင့် အလုပ်သမားကိုယ်စားလှယ် (၉) ဦး တို့နံနက် ၁၁း၃၀ တွင်စတင် ဆွေးနွေးညှိနှိုင်းသည်။

စက်ရုံပိုင်ရှင်ကိုယ်စားလှယ်မှ အလုပ်သမားတို့၏လစာကို ၂၀.၄.၂၀၀၉ နေ့တွင် နောက်ဆုံးထား ပေးရန် ယခုအချိန်မှစပြီး အလုပ်သမားများအား တနေ့ထမင်းနှင့်ဟင်း (၃) ကြိမ် ကျွေးမွေးရန် သောက်သုံးရေ အလုံအလောက် ပေးရန်နှင့် စက်ရုံအတွင်း ဆက်လတ် နေထိုင်ခွင့်ပြုရန်တို့ကို ကတိပြုခဲ့သည်။

နေ့လည် ၂း၃၀ နာရီ၌ သဘောတူစာချုပ်တွင် အလုပ်သမား အခွင့်အရေးရုံး တာဝန်ရှိသူအရာရှိ ဖုန်ဆွန်ဖုံ အလုပ်ရှင် ကိုယ်စားလှယ် ထန်နဖွန် ဆိုထနာဒေချာဖွန် (ပိုင်ရှင်ဇနီး) အလုပ်သမား ကိုယ်စားလှယ် (၉) ဦး နှင့် အလုပ်သမားများ၏ရှေ့နေ ဖိနူန် တို့ပါဝင်လက်မှတ်ရေးထိုးကြသည်။

ဆန္ဒပြပွဲပြီးဆုံးသွားသဖြင့်အလုပ်သမားများစက်ရုံသို့ပြန်လည်ထွက်ခွာသွားကြောင်းသိရှိရပါသည်။

Read More...

Tuesday, May 5, 2009

ထိုင်းနိုင်ငံ မဲဆောက်ရှိ စက်ရုံအလုပ်သမား (၂၀၀)ကျော် ဆန္ဒပြီ

ထိုင်းနိုင်ငံ မဲဆောက်ရှိ စက်ရုံအလုပ်သမား (၂၀၀)ကျော် နှစ်လစာလခမရသဖြင့် မဲဆောက်မြို့ ဆ၀ါဒီကန်ရုံး(အလုပ်သမားအခွင့်ရေးကာကွယ်ရေးရုံး)ရှေ့၌ ဆန္ဒပြ
ရောင်ခြည်ဥိးအလုပ်သမားများအဖွဲ့ရောင်ခြည်ဥိးအလုပ်သမားများအဖွဲ့


၆.၅.၂၀၀၉

မဲဆောက်မြို့ မယ်တောင်လမ်းရှိ ထိုင်ဝမ်လူမျိုးပိုင် Ponthag Manfacturing Co, Ltd (TK)လေးသိုးမွှေးစက်ရုံမှ အလုပ်သမား (၃၀၀) ကျော်ကို ၁၀.၃.၂၀၀၉ ရက်နေ့မှစပြီး ယနေ့အထိ နှစ်လစာ လုပ်ခလစာများအား အလုပ်ရှင်မှ မထုတ်ပေးကြောင်းသိရသည်။ ၄င်းအပြင် သင်္ကြန်ကာလအတွင်း သောက်ရေ သုံးရေမရရှိခြင်း၊ အလုပ်ရှင်မှ အလုပ်သမား များ၏ အခက် အခဲများအား မဖြေရှင်းပေးခြင်းတို့ကြောင့် ၂၁.၄.၂၀၀၉ရက်နေ့တွင် ဆ၀ါဒီကန် (အလုပ်သမား အခွင့်ရေးကာကွယ်ရေး ရုံး) သို့ အောက်ပါ အချက်(၃)ချက်အားတောင်းဆိုခဲ့သည် ။

၁၊ ထိုင်းနိုင်ငံရှိ သက်မှတ်ထားသော အလုပ်သမားကာကွယ်ရေး ဥပဒေ အတိုင်း အပြည့်အ၀ခံစားခွင့် ပေးရန်
၂၊ အလုပ်သမားများအား ကျမ်းမာရေးအကျိုး ခံစားပိုင်ခွင့်ရရန်
၃၊ အလုပ်သမားများအား သောက်သုံးရေ လုံလောက်စွာပေးဆောင်ပေးရန် တို့ဖြစ်ပါသည်။

၎င်းတောင်းဆိုချက်များအား ၅ ရက်မျှစောင့်ဆိုင်းခဲ့သည့်တိုင် ဆ၀ါဒီကန်(အလုပ်သမား အခွင့်ရေးကာကွယ်ရေးရုံး)နှင့် လုပ်ငန်းရှင်တို့မှ လာရောက်ဖြေရှင်းပေးခြင်းမရှိကြောင်း၊ ဆဝါဒီကန်(အလုပ်သမားအခွင့်ရေးကာကွယ်ရေးရုံး) အရာရှိဖြစ်သူ ဖိဆုန်ဖုန်းမှ အလုပ်သမား များအား လုပ်ငန်းခွင်မဝင်ပါက ပုလိပ်ဖြင့်အဖမ်းခံရမည်ဟု ခြိမ်းခြောက်မှုများ ရှိခဲ့ကြောင်း သိရသည်။
ရောင်ခြည်ဥိးအလုပ်သမားများအဖွဲ့
ထို့နောက် ၂၇.၄.၂၀၀၉ ရက်နေ့တွင် ထပ်မံ၍လာရောက်ဖြေရှင်းပေးရန် စာရေးအကြောင်းကြား သော်လည်း အလုပ်ရှင်နှင့် အလုပ်သမားကာကွယ်ရေးရုံးတို့မှ တစုံတရာဆောင်ရွက်ပေးခြင်းမရှိသည့်အတွက် အလုပ်သမားများမှ ၂၈.၄.၂၀၀၉ ရက်နေ့တွင် အလုပ်မှ ရပ်ဆိုင်းပြီး ဆန္ဒပြတောင်းဆိုခဲ့ကြကြောင်းသိရသည်။

ထိုသို့ ဆန္ဒပြတောင်းဆိုသော်လည်း လုပ်ငန်းရှင်နှင့် ဆ၀ါဒီကန်(အလုပ်သမားအခွင့်ရေး ကာကွယ်ရေး ရုံး) အရာရှိတို့မှ အလေးထား ဆောင်ရွက်မှုမရှိသဖြင့် ၆.၅.၂၀၀၉ ရက်နေ့ နံနက် (၈း၀၀) နာရီအချိန်တွင် ဆ၀ါဒီကန် (အလုပ်သမားအခွင့်ရေးကာကွယ်ရေးရုံး)သို့ အလုပ်သမား ဦးရေ ၂၀၀ကျော်မှ ချီတက် ဆန္ဒပြလျက်ရှိ ကြောင်းသိရသည်။

ယခု ၁၁း၃၀ နာရီ တွင် အလုပ်သမားရုံးအရာရှိ မှ စက်ရုံပိုင်ရှင်အား ရုံးသို့ ဖုံးဆက်ခေါ်ပြီး အလုပ်သမား ကိုယ်စားလှယ်များ နှင့် တွေ့ဆုံဆွေးနွေးနေပြီး မက်ဖေါင်ဒေးရှင်းနှင့် ရောင်ခြည်ဦးအလုပ်သမားများအဖွဲ့တို့မှ ကူညီဆောင်ရွက်ပေးလျှက်ရှိသည်။

ထိုစက်ရုံမှာ ၁၉၉၉ ခုနှစ်မှ စတင်ဖွင့်လှစ်ခဲ့ပြီး ၄င်းစက်ရုံရှိ အလုပ်သမား အများစုမှာ လုပ်သက် ၅ နှစ်မှ ၁၀ ကြားရှိ အလုပ်သမား အများစုဖြစ်ကြောင်း၊ ၄င်းစက်ရုံပိုင်ရှင်မှ ယခင် ကာလများတွင်လည်း လစာထုတ်ရက် နောက်ကျခြင်း အလုပ်သမားများအား အလုပ်ပုံမှန် မပေးနိုင်ခြင်း သောက်ရေသုံးရေ ဖြတ်တောက်ခြင်းများကို အစဉ်အမြဲရှိခဲ့ကြောင်းသိရသည်။

Read More...

ရောင်ခြည်ဦးအလုပ်သမားများ အဖွဲ့
ရောင်ခြည်ဦး- အလုပ်သမားများအဖွဲ့ | Edit (Ycowa) Temples By